Home
Tickets Bestellung
Agenda
Aktive 2015/16
Fotogalerien
Geburtstage
Stammbaum
Stammlokal
Passivmitgliedschaft
Statuten
Gästebuch
Intern
Gründung 1976
Links
Kontakt
Dance Night 2014
Dance Night 2013
Update: 01.07.2015
 


D'Srysse plaane dr Bau,
d'Basilisgge mache en zer Sau

Am Barfi unde kasch's jetz seh
dr ganzi Stolz vo dr BVB
me het sich's ebbis koschte lo
und Kapazitäte - ans plaane glo
jä, - dasch halt scho no wichtig
e rächte Planer, miech das scho richtig
mit sehr viil Gschmagg und sexapiil
bringt s'Kundezentrum fyrs Imitsch viil
schliesslig will me s'Stadtbild nit verschandle
und miess dorum, en Esteht lo handle
doch d'Wirgliggkeit gseht anderscht us
bym Abligg kunnt kai Sau meh druss
stohsch so drvor, denn hauts di um
isch das vom Zolli, -  s'Vivarium
de kasch di draye, drylle, verrängge
di hintersinne und nochedängge
mit viil Witz und no meh Fantasie
sehsch's y, das muess e Drammhysli si
sogar d'Schyssene die neye, sinn fir d'Katz
kunnsch dr vor wie uf em Campingplatz
die sinn so äng, do kunnt dr's griine
s'git nur ains, muesch retour iine
bisch äntlig dinn, griegsch Angscht, kenntsch briehle
s föhn d'Pissoir wie wild, - elai a vo spiehle
hesch fertig gschifft, griegsch gopferdeggel
bim spiehle als dangg e nasse Seggel
völlig gschtresst gisch uf, muesch stöhne
zem Schluss foht die bleedi Schissi a föhne
denn völlig gschafft, blybsch ums verregge
bim use zwänge, dinne stegge
es macht die staubig, hässig, muff
jetzt griegsch die kaibe Tiir nimm uf
alles wurge, heble nutzt e drägg
das passt zue däm Schuppe, s'het kai zwägg
bisch ätlig dusse, nass vom schwitze
wotsch di erhole und uf e Bänggli sitze
muesch wyder tobe, stampfe, flueche
findsch kains, kasch no lang go sueche
jä, Digge muesch au das vergässe
statt uf Bänggli wird uf Reehre gsässe
uf deene Rohr griegsch gopferdarsch
wennd z'lang blybsch hogge, e blaue Arsch
wäg dr Beliichtig, dääre siesse, - kunnsch nit druff
isch's e Trammhytte oder ächt doch e Buff
bruchsch Münz firs Billett, vom Portemonne
kasch kuum die aige Hand no seh
modärn sig das, mit em neyschte tatsch
dasch e Witz, e Frächhait und fertige Quatsch
jä, s'ganze kunnt aim Spanisch vor
wurdsch's nit gseh, - seisch dasch nit wohr
e huffe Pulver isch zem Teyfel und e wägg
s'het doch alles gar kai zwägg
me het nur bschysse, versegglet, betrooge
saich verzellt und ummeglooge
mir Sprysse maine; lehnd uns lo plaane
als Spezialischte griegte mer's logger ane
by uns käme d'Basilisgge ko wiete ufe Bau
und miechen en, in Rekordzyt, billiger zer Sau!!

  Top